الـــــعـــــــــيــــــــــو ن

سمعت حديث محمد العوضي فسرد قصيدة أعجبتني وان شالله تعجبكم
الـــــعـــــــــيــــــــــو ن
سمعت اهل الهوى يقولون
يقولون والكلام فنون
شنو الي جنن المجنون؟!
مهب لعيون؟!!
شنو لعيون؟
سما لعيون...
بحر لعيون...
اهي شي ....او اهي مليون..
في ناس اتقول : اهي الدانه
وهي اللولو, وهي المحار
وفي ناس اتقول: اهي المجهول
نبع سحر ,او نبع اسرار
في ناس اتقول: اهي مركب
وفي ناس اتقول: اهي ملعب
يقولون: هي نجم براق
ويقولون هي قمر شقاق
واااقوول: شنو القمر لولاك
واقول: شنو البحر لولاك
شنو الالوان ؟
شنو الالحان؟
شنو الكون غير حصى وصبان!
وشنو الجوهر ولو مكنون!
وسمعت اهل الهوى يقولون
يقولون والكلام فنون
شنو الي جنن المجنون
مهب لعيون؟!
في عين تذبح ذبح عادي
وفي عين تذبح ذبح سادي
في عين تحكي ولا تنطق
وفي عين تعطي
وفي عين تسري
وفي عين تسرق
وفي عين مثل الجمر تحرق
عقب عنتر بن شداد وبو زيد الهلالي انصاد
ومين اللي في الغدير ما طاح
غرق في العين وهو سباح
لا فاده سيفه المسنون
ولا رده رمحه الذباح
ومثل ما قالوا يقولون:
شنو اللي جنن المجنون
مهو بالعيون
في عين تآخذك أخذ وردي
وفي عين تآخذك أخذ رعدي
في عين تذبح ذبح عادي
وفي عين تذبح ذبح سادي
كله سلاح وكله ذباح تبي تسلم من الذبحن لا تفتح عين
ولا تتبع زين روح بعيد ولا تقرب هوى البحرين
مادام تقول: انا حميدان..
وتعرض داخل الميدان..
اذا تم الامر لا تقول ولاتولول
ولا تردد يا عين يا لليل
تعالو لي , تراه الويل
ترى اهل الهوى يقولون...
يقولون والكلام فنون
شنو الي جنن المجنون..
مهب لعيون؟!
مثل كل شخص سال نفسه ؟
سالت نفسي: شنو لعيون؟
وبعد ميية سؤال وسؤال
وسفرة في عيون الأحباب
تبون الصدق والمضمون
وظنيت الجواب عندي
وااخرتهاا..
رجعت محتار!
شنو العيون؟
اهي لعيون .